കിഫ്‌ബിക്കെതിരായ കേസിൽ ഡെപ്യൂട്ടി മാനേജറെ ഇഡി ഇന്ന് ചോദ്യം ചെയ്‌തേക്കും

കിഫ്‌ബിക്കെതിരായ കേസിൽ ഡെപ്യൂട്ടി മാനേജർ വിക്രംജിത് സിംഗിനെ എന്‍ഫോഴ്‌സ്‌മെന്റ് ഡയറക്ടറേറ്റ് ഇന്ന് ചോദ്യം ചെയ്‌തേക്കും. കേന്ദ്ര സർക്കാരിൻ്റെ അനുമതിയില്ലാതെ മസാല ബോണ്ട് ഇറക്കി വിദേശത്ത് നിന്നും വായ്‌പയെടുത്തത് നിയമ ലഘനം ആണെന്ന് ചൂണ്ടിക്കാട്ടിയാണ് കേസ്.

കിഫ്‌ബിക്കെതിരായ അന്വേഷണത്തിനെതിരെ മുഖ്യമന്ത്രി പിണറായി വിജയൻ കത്തയച്ച സാഹചര്യത്തിൽ വിക്രംജിത് സിംഗ് ഇന്ന് ഹാജരാകുമോ എന്ന കാര്യത്തില്‍ വ്യക്തതയില്ല.ഇഡിയുടെ നീക്കം തെരഞ്ഞെടുപ്പ് പെരുമാറ്റചട്ട ലംഘനമാണെന്ന് വ്യക്തമാക്കിയാണ് മുഖ്യമന്ത്രി മുഖ്യ തെരഞ്ഞെടുപ്പ് കമ്മീഷന് കത്തയച്ചത്. കിഫ്ബിക്കെതിരായ ഇഡിയുടെ നീക്കം രാഷ്ട്രീയ പ്രേരിതമാണെന്നും തെരഞ്ഞെടുപ്പ് പെരുമാറ്റചട്ട ലംഘനമാണെന്നും കത്തിൽ പറയുന്നു.

ഇഡി അനാവശ്യ തിടുക്കം കാണിക്കുകയാണ്. കേന്ദ്ര ധനമന്ത്രി നിർമ്മലാ സീതാരാമൻ കേരളത്തിലെത്തി കിഫ്ബിയെ വിമർശിച്ചതിനു പിന്നാലെയാണ് ഉദ്യോഗസ്ഥരെ ചോദ്യം ചെയ്യാൻ ഇഡി നീക്കം നടത്തുന്നത്.
കിഫ്ബിയുമായി ബന്ധപ്പെട്ട വനിതാ ഉദ്യോഗസ്ഥരെ അടക്കം വിളിച്ച് ചോദ്യം ചെയ്യുകയാണ്. കിഫ്ബിക്ക് നോട്ടീസ് ലഭിക്കുന്നതിനു മുമ്പ് മാധ്യമങ്ങളെ ഇഡി വിവരം അറിയിച്ചുവെന്നും മുഖ്യമന്ത്രി പറയുന്നു. ഇഡിക്കെതിരെ ഉചിതമായ നടപടി സ്വീകരിക്കണമെന്നാണ് മുഖ്യമന്ത്രിയുടെ ആവശ്യം.

അതേസമയം, തെരഞ്ഞെടുപ്പ് വിജ്ഞാപനം വന്നതിനു ശേഷം കിഫ്ബിക്കെതിരെ കേസെടുക്കാനുള്ള എൻഫോഴ്സ്മെന്റ് ഡയറക്ട്രേറ്റിന്റെ തീരുമാനം കേരളത്തിൽ വളർന്നു വരുന്ന ബിജെപി – സിപിഎം അന്തർധാരയുടെ തെളിവാണ് പ്രതിപക്ഷ നേതാവ് രമേശ് ചെന്നിത്തല പറഞ്ഞു.

12 thoughts on “കിഫ്‌ബിക്കെതിരായ കേസിൽ ഡെപ്യൂട്ടി മാനേജറെ ഇഡി ഇന്ന് ചോദ്യം ചെയ്‌തേക്കും

Leave a Reply

Your email address will not be published. Required fields are marked *

Share via
Copy link
Powered by Social Snap